ٹرسٹ ایڈمنسٹریشن ایگریمنٹ کیا ہے
ٹرسٹ ایڈمنسٹریشن ڈیڈ ایک قانونی دستاویز ہے جو کسی ٹرسٹ کی تشکیل، اس کے انتظام، اور اس میں شامل فریقین کے حقوق و فرائض کی وضاحت کرتاہے۔ پاکستان میں ٹرسٹ سے متعلق قوانین کا اطلاق ٹرسٹ ایکٹ 1882 کے تحت ہوتا ہے۔
ٹرسٹ ایڈمنسٹریشن ایگریمنٹ کی اہم خصوصیات
ٹرسٹ کا مقصد: اس میں ٹرسٹ کے قیام کا مقصد اور اس کے مقاصد کی وضاحت کی جاتی ہے۔
ٹرسٹ پراپرٹی: اس میں وہ اثاثے یا جائیداد شامل ہوتی ہے جو ٹرسٹ کا حصہ بنائی جاتی ہے۔
ٹرسٹی کی تقرری: اس میں ٹرسٹ کے منتظم یا ٹرسٹی کی تقرری اور ان کے فرائض و اختیارات کی تفصیل شامل ہوتی ہے۔
بینفشری کی وضاحت: اس میں ان افراد یا اداروں کی نشاندہی کی جاتی ہے جو ٹرسٹ سے فائدہ اٹھائیں گے۔
ٹرسٹ ایڈمنسٹریشن ایگریمنٹ کی ضرورت کب اور کس کو پیش آتی ہے
فلاحی ادارے: جو عوامی بھلائی کے لیے کام کرتے ہیں اور اپنے اثاثوں کے انتظام کے لیے ٹرسٹ قائم کرنا چاہتے ہیں۔
خاندانی اثاثوں کا تحفظ: خاندان کے افراد اپنی جائیداد یا اثاثوں کو محفوظ رکھنے اور ان کی منصفانہ تقسیم کے لیے ٹرسٹ قائم کرتے ہیں۔
کاروباری مقاصد: شراکت دار یا کاروباری ادارے مخصوص مقاصد کے لیے ٹرسٹ قائم کرتے ہیں، جیسے ملازمین کے فوائد کا انتظام۔
پاکستان میں ٹرسٹ کی تشکیل اور رجسٹریشن کا عمل:
ٹرسٹ ڈیڈ کی تیاری: ٹرسٹ کی تشکیل کے لیے ایک تحریری دستاویز تیار کی جاتی ہے جس میں ٹرسٹ کی تمام شرائط و ضوابط شامل ہوتے ہیں۔
رجسٹریشن: اگر ٹرسٹ غیر منقولہ جائیداد پر مشتمل ہو تو اس کی رجسٹریشن متعلقہ سب رجسٹرار کے دفتر میں کروائی جاتی ہے۔
قانونی تقاضے: ٹرسٹ ایکٹ 1882 کے تحت ٹرسٹ کی تشکیل کے لیے ضروری ہے کہ:
(1)ٹرسٹ کا مقصد قانونی ہو۔(2)ٹرسٹ پراپرٹی قابل منتقلی ہو۔(3)ٹرسٹ کی شرائط واضح ہوں۔
مزید معلومات اور قانونی رہنمائی کے لیے متعلقہ قانونی ماہرین یا نوٹر ی پبلک،اوتھ کمشنرسے رابطہ کرنا مفید ہوگا۔
سیمپل ڈاؤن لوڈنگ:
ٹرسٹ ایڈمنسٹریشن ڈِیڈ کاسیمپل پی۔ڈی۔ ایف میں ڈاؤن لوڈ کرنے کیلئے ریڈ کلر کے بٹن کا استعمال کریں۔
ٹرسٹ ایڈمنسٹریشن ڈِیڈ کاسیمپل ایڈٹ ایبل ورژن۔ان پیج (اردو سافٹ ویئر) کی صورت میں ڈاؤن لوڈ کرنے کیلئے گرین کلر کے بٹن کا استعمال کریں۔
پیج سیٹنگ اور پرنٹنگ ہدایات: اسٹامپ پیپرپر پرنٹ کرنے کیلئے ہمیشہ چھوٹا لیزر جیٹ پرنٹرکا ہی استعمال کریں پیج سائز (8.5''x14'')یا پھر احتیاطاً فولیوسائز (8.5''x13'') رکھیں اور ٹاپ مارجن عموماً4.5 انچ کریں لیکن نوٹری پبلک کی اٹیسٹیشن کے دوران مْہر، اسٹیکر وغیرہ لگنے کی وجہ سے ٹاپ میں ایک انچ کا مزید اضافہ کیاجانا چاہیے، انگلش لکھائی ہے تو اسکے لیئے لیفٹ سائیڈ کا مارجن 1.5 اور رائٹ سائیڈکا 1انچ سیٹ کریں اوراگر اردو لکھائی ہے تو رائٹ سائیڈ کا مارجن 1.5،لیفٹ سائیڈ 0.5،بوٹم پربھی0.5 انچ ہی مارجن سیٹ کریں۔ اور اگر بڑا پرنٹر جو اسکیننگ و پرنٹنگ کے ساتھ ساتھ فوٹو کاپی بھی کر تا ہے اس پر پرنٹنگ کے دوران زیادہ دھیان اور احتیاط کرنے کی ضرورت ہے۔
ڈیٹا انٹری سروسز لینے کیلئے آرڈر کریں۔
0 تبصرے